Еурофарм Пелистер - Вардар 1961 25-23 (14-11)
Македонскиот првак Еурофарм Пелистер го освои Регионалниот турнир во Скопје, во кој покрај двете најдобри екипи од ланската сезона во мак-ракометот учествуваа и српскиот шампион Војводина и црногорскиот првак Ловќен.
Еурофарм Пелистер влезе во ритам и почна да ја гради предноста. Во неколку наврати во првиот дел шампионот имаше +5, но на полувреме се замина 14-11 за гостинот од Битола. На стартот од вториот дел Вардар 1961 имаше неколку неуспешни обиди да влезе во серија и да се доближи до противникот, а битолскиот тим кога беше најпотребно тргна уште поквалитетно и се врати на позитива од пет гола, која беше недостижна за „црвено-црните“. На крај битолчани извојуваа триумф од 25-23.
Ова е втор триумф на Еурофарм Пелистер против Вардар 1961 за време на подготовките откако минатата недела го совлада и на турнирот „Крсте Андоновски“ во Охрид, а двете екипи в среда ја отвораат сезоната со мечот од Суперкупот на Македонија, во Кавадарци.
Eурофарм Пелистер – Војводина 30-29
Еурофарм Пелистер – Ловќен 37-27
Еурофарм Пелистер - Вардар 1961 25-23
