Лидерот во првата ракометна лига, ХЈС Работник од Битола, уште отсега сериозно размислува за следната сезона во која со голема веројатност ќе игра во Супер лигата. Екипата која ја водат Иван Марковски и Александар Зарков презими како лидер со само еден пораз и на добар пат е на Битола да ѝ подари уште еден клуб во најсилната категорија.
Вчера ХЈС Работник потпиша договор со довчерашниот ракометар на Пелистер, Игор Илиевски. Крилото се одлучи на ваков потег заради амбициите кои ги нуди ХЈС Работник, бидејќи во Пелистер не играше со континуитет оваа есен.
Ракометарите на ХЈС Работник оваа зима не мируваа и настапија на младинскиот турнир во Скопје, а сениорската екипа ги почнува подготовките за пролетниот дел од сезоната.