Суперигашот Еурофарм Пелистер 2 повторно е во тренажен процес. Тренерот на екипата Михаил Петровски денес официјално прозиваше во спортската сала „Боро Чурлевски“, со што се означи почеток на пролетната полусезона од шампионатот 2023/24.
Со истиот ростер со кој ја заврши групната фаза на Суперлигата, Еурофарм Пелистер 2 ги започна подготовките за плеј-аутот. Ново име е само 18-годишниот десен бек Бојан Гичев, кој во нашиот клуб доаѓа од РК Овче Поле од Свети Николе.
Екипата ќе тренира секојдневно во Битола, а кон крајот на месецот предвидени се контролни натпревари со Еурофарм Пелистер и уште неколку суперлигаши.
Плеј-аутот официјално стартува во втората недела од февруари 2024 година.
