Охрид по пауза од две години повторно ќе биде центарот на македонскиот ракомет, откако Ракометната федерација на Македонија официјално го потврди градот како домаќин на завршниот турнир од Купот на Македонија. Турнирот е закажан за 31 мај и 1 јуни.
Во конкуренција за трофејот се четири екипи, првакот на Македонија, Еурофарм Пелистер, домаќинот Охрид , бранителот на титулата Алкалоид и Вардар 1981. На хартија токму на домашниот состав му се даваат најмали шанси, меѓутоа во актуелната сезона Охрид покажа дека може да се надигрува со секого.
Првично, завршницата беше планирана за овој викенд, но поради настапот на Алкалоид во финалето од ЕХФ Европскиот куп, федерацијата направи измени во календарот и го помести натпреварувањето за крајот на месецот.
