Македонскиот шампион Еурофарм Пелистер им се врати на победите. Во дербито од шестото коло на Суперлигата, пелистерци славеа против Охрид со 33-27.
Освен почетните 0-1 за охриѓани, се останато мина во знакот на Еурофарм Пелистер. Зелено-белите одржуваа предност два до три гола, на полувремето го завршија со +4 (18-14). Во вториот дел, пелистерци ја зацврстија играта во одбраната, заиграа побрзо во нападот и постепено ја зголемуваа разликата. Веќе во 40.минута ја одвоија разликата и поведоа со +8 (24-16). Тука веќе беше јасно дека, Охрид неможе да се надева на изненадување, па Еурофарм Пелистер ја впиша четвртата победа.
Најдобар стрелец на мечот беше Богдан Радивојевиќ со девет гола, пред Дејан Манасков со седум гола, додека капитенот Филип Кузмановски заврши со четири реализации. Голманот Никола Митревски собра 11 одбрани. Кај ГРК Охрид, Дарко Ѓукиќ имаше шест од шест, пред Тилен Стрмљан, Давид Савревски и Николаос Лапис, тројцата дадоа по пет гола.
Ракомет
Суперлига 2025/26
Шесто коло
Еурофарм Пелистер - Охрид 33-27 (18-14)
Спортска сала „Боро Чурлевски“ - Битола
Гледачи: 2.500
Судии: Виктор Начевски и Даниело Божиновски
Црвен картон: Ориол Реј Моралес (Охрид)
Еурофарм Пелистер:
Митревски, Мацанковски, Манасков 7, Цехте 2, Видомски 1, Тајник 3, Калид Валид 1, Хенигман 1, Радивојевиќ 9, Кузмановски 4, Абутовиќ 1, Калајџиовски 1, Петар Аатансијевиќ, Пешевски 2, Хосни 1, Павле Атанасијевиќ
Седмерци: 6/6
Исклучувања: 10 минути
Охрид:
Чаневски, Блажески, Ѓоргески, Стрмљан 5, Ојлески 2, Иванковиќ 1, Кукуловски, Вејин, Шипинковски, Ристевски, Реј Моралес, Савревски 5, Љапис 5, Бојаниќ 2, Петриќ 1, Ѓукиќ 6
Седмерци: 5/4
Исклучувања: 8 минути
Во следното осмо коло Еурофарм Пелистер гостува кај Тиквеш.
