Првакот Еурофарм Пелистер има причини за задоволство. Го победи Прилеп и пак на теренот се вратија повредените Хаидарирад и Ристевски, Битолчани славеа убедливо на гостувањето кај Прилеп со 25-40 (12-21), во натпреварот од десеттото коло на Суперлигата.
Почетокот беше израмнет, домашните први поведоа, ама реакцијата беше брза и гостите стигнаа до 2-4. На тоа домаќинот имаше одговор, со 3-0 успеа пак да поведе со 5-4, ама тоа беше последна предност. Пелистерци се консолидираа, го презедоа приматот и до полувремето предноста почна да расте. Со три мини-серии од по 0-3 битолчани се одлепија, па на одмор се замина со 12-21.
На отворањето на вториот дел првпат беше пробиена двоцифрената маргина (12-22). Прилепчани успеаја да парираат уште десетина минути, најблизу пријдоа на „минус шест“ (17-23) по серија од 4-0, ама тоа беше сè. Пелистерци се наметнаа, влегоа во посакуван ритам и до крајот рутински го решија мечот во своја корист. На крајот шампионот победи со високи петнаесет разлика.
Ракомет
Суперлига 2025/26
10. коло
Прилеп - Еурофарм Пелистер 25-40 (12-21)
Спортска сала „Ристе Ристески - Ричко“ - Прилеп
Гледачи: 500
Судии: Виктор Начевски и Даниело Божиновски
Прилеп:
Ангелевски 1, Тренчевски 2, Кастратовиќ 3, Рајатовски 2, Ристевски, Адамчевски, Антонио Крстески 1, Ангел Крстески 7, Ивчевски, Илиески, Димитриоски 3, Шабановиќ, Квастек 2, Лековиќ 3, Столески, Соколески 1
Седмерци: 3/3
Исклучувања: 4 минути
Еурофарм Пелистер:
Хаидарирад 1, Мацанковски, Манасков 3, Цехте 4, Видомски 3, Тајник, Калид Валид 2, Радивојевиќ 3, Кузмановски 3, Абутовиќ 1, Калајџиовски 6, Пет. Атанасијевиќ 7, Пешевски 2, Хосни 1, Пав. Атанасијевиќ 4
Седмерци: 1/1
Исклучувања: /
Петар Атанасијевиќ со седум и Мирче Калајџиовски со шест гола беа најефикасни кај Еурофарм Пелистер. В сабота од 17:00 часот тимот на Рубен Гарабаја го пречекува Куманово во единаесеттото коло.
