По ремито со Бутел Скопје, екипата на Еурофарм Пелистер 2 не успеа да извојува победа во уште еден директен дуел за место во плеј-офот. Екипата на Александар Зарков загуби на гостувањето во Кавадарци против Тиквеш со 27-26 и значително ги намали шансите за место меѓу шесте најдобри.
Битолчани одиграа добро прво полувреме и создадоа предност од три гола на паузата (12-15), но домаќините потоа се вратија и внесоа неизвесност во завршницата. Мартин Димовски беше човекот кој го врати Тиквеш во игра. Прво израмни на 23-23 во 54. минута и најави мала драма во финишот. Кавадарчани во овие моменти беа без Богдан Мијушјковиќ (три исклучувања), но Димовски повторно стапи на сцена и донесе прво водство за домаќинот (25-24). Пелистерци имаа гол негатива на почетокот на последната минута, го „прокоцкаа“ последниот напад со непромислено пробивање, па така домаќинот на крајот славеше со конечни 27-26.
Најефикасен во таборот на Тиквеш беше Петар Цветковски со осум голови, а на спротивната страна ист учинок имаше Христијан Митревски.
Ракомет
Суперлига 2025/26
17. коло
Tиквеш - Еурофарм Пелистер 2 27-26 (12-15)
Спортска сала „Јасмин“ - Кавадарци
Гледачи: 1.000
Судии: Исмаил Металари и Ненад Николовски
Тиквеш:
Панов, Велков, Печурица, Магди Ахмед 1, Стојановски 3, Цејовиќ, Петревски, Димовски 3, Лазов, М. Манасков 2, Ј. Тајник 3, Коцев 3, Симиќ 1, Цветковски 8, Мијушковиќ 3, Гришикашвили
Седмерци: 9/8
Исклучувања: 8 минути
Еурофарм Пелистер 2:
Јовановски, М. Фехми, Младенов, Марковски 6, Гичев, Даневски, Митревски 8, Јовановски, Шулевски 3, Лазаревски, А. Фехми, Димитровски, Славков, Дрогришки, Ѓорѓиевски, Мохамед Азис Бен Мафуд 7, Одфред Баптист 2
Седмерци: 4/4
Исклучувања: 12 минути
Во последното есенско коло Еурофарм Пелистер 2 на домашен терен ќе го пречека тимот на Пролет.
