Ракометарите на Еурофарм Пелистер продолжуваат со сигурните настапи во македонската Суперлига, откако остварија убедлива победа од 39-23 против Прилеп и запишаа нови бодови на своето конто.
Битолчани ја оправдаа фаворитската улога, иако гостите во првото полувреме успеаја да пружат солиден отпор. Сепак, Еурофарм Пелистер на паузата имаше предност од шест гола (20-14), со што најави дека бодовите ќе останат во Битола.
Во вториот дел битолскиот состав дополнително го засили ритамот, ја зголемуваше предноста и на крајот стигнаа до убедливи 39-23. Прилеп немаше одговор за разиграниот домаќин, кој со ефикасна игра во нападот ја потврди разликата во квалитетот.
Најзаслужен за убедливиот триумф беше Филип Кузмановски, кој го заврши натпреварот со девет постигнати гола. Во редовите на Прилеп, Димитар Димитриоски беше најефикасен со пет погодоци.
Со оваа победа ЕурофармПелистер стигна до 13 бодови по седум одиграни натпревари во Суперлигата и продолжува со добрите резултати во домашното првенство.
Ракомет
Суперлига 2026.27
Седмо коло
Прилеп - Еурофарм Пелистер 23-39 (14-20)
Спортска сала „Ристе Ристески-Ричко“ - Прилеп
Гледачи: 500
Судии: Глигор и Спаско Каеви (Скопје)
Прилеп:
Ангелески, Стојкоски, Трајкоски, Тренчевски 1, Марковски 3, Кастратовиќ 1, Шипинковски 2, Адамчески, Лозаноски 1, Столески, Крстески 3, Стојкоски, Димитриоски 5, Стојановски 3, Шабановиќ 2, Зековиќ, Цветаноски 2
Седмерци: 6/4
Исклучувања: 6 минути
Еурофарм Пелистер:
Митревски, Хеидарирад, Белистојаноски 4, Видомски 1, Ристевски 4, Серафимов 1, Кузманоски, Граховац 3, Хенигман 4, Кузмановски 9, Пет. Атанасијевиќ 4, Пешевски, Хакбарт 1, Колаковиќ 2, Нтанзи 5, Татар 1
Седмерци: 5/5
Исклучувања: 8 минути
Во следното осмо коло Еурофарм Пелистер ќе го пречека Младост во Битола.
