Со максимално извршување на предвидената агенда на тренерот Ларс Валтер и неговиот стручен штаб, ракометарите на Еурофарм Пелистер ги приведуваат кон крај базичните припреми во Маврово. Пет дена по ред пелистерци работат неколку тренинг сесии дневно, во комбинација на отворено и во сала. По утрешниот утрински тренинг тимот се враќа во Битола.
Организаторот на меѓународниот ракометен турнир во Струга ги објави учесниците на овогодинешното издание.
РК Еурофарм Пелистер 2 официјално ги претстави трите засилувања за сезоната 2022/23. Нови членови на екипата која ќе ја претставува Македонија во квалификациите на ЕХФ Лига Европа се Мартин Ивановски, кој дојде од Охрид, Василије Пичурица од Струга и Мартин Јовановски, кој се врати во матичниот клуб од Германија.
Ракометарите на Еурофарм Пелистер ги продолжија подготовките за сезоната 2022/23. Ларс Валтер и стручниот штаб утрово одработија тренинг сесија во Битола и потоа експедицијата на Еурофарм Пелистер замина на еднонеделни базични подготовки во Маврово. Таму пелистерци ќе минат седум дена и напорно ќе тренираат, без пријателски натпревари.
Со денешниот состанок и прв тренинг во спортската сала „Боро Чурлевски“ во Битола започна сезоната на Еурофарм Пелистер 2. Македонскиот претставник во ЕХФ Лига Европа се претстави со млад ростер на ракометари, но голем ентузијазам и желба.
Со уште помлад состав од минатата сезона Еурофарм Пелистер 2 почнува трета сезона со Александар Јовиќ на клупата. Со остварени цели во претходните две, екипата собра многу симпатии и се избори за европско место во квалификациите на Европската лига. Тимот е во конструкција, но пак се потпира на млади македонски играчи. Единствен странец е младиот црногорски голман Василије Пичурица, кој дојде од Струга. Подготовките ќе минат во две фази, во Битола и Маврово, а првиот официјален натпревар е за пет недели против Алпла Хард во Австрија.
На ден 29.11.2019 во општина Битола беше потпишан договорот ,,ПЛАТФОРМА ЗА РАКОМЕТНА БИТОЛА’’, со што и официјално Битола го доби клубот РК Еурофарм Пелистер.
Договорот го потпишаа претставници на двата клуба и градоначалничката на Битола, Наташа Петровска во просториите на Општина Битола.
Еурофарм Пелистер ќе биде водечкиот клуб со високи европски амбиции, а Еурофарм Пелистер 2 клуб исполнет со млади ракометари и таленти од Битола и цела Македонија.
Април 22, 2024 by RK Eurofarm Pelister
Април 14, 2024 by RK Eurofarm Pelister
Април 14, 2024 by RK Eurofarm Pelister