Детали

Недела, Септември 29, 2024

Шампионот Еурофарм Пелистер го претрпе првиот пораз во новата сезона на Суперлигата. Екипата на Бранислав Ангеловски загуби на гостувањето кај Вардар 1961 со 27-24 (15-11). Во битката на македонските ракометни великани овојпат подобар беше скопскиот состав кој покажа повеќе во СЦ „Јане Сандански“.

Повеќе...

Детали

Петок, Септември 27, 2024

Ракометарите на Еурофарм Пелистер претрпеа и трет пораз во низа во Лигата на шампионите. Подобар од македонскиот шампион беше Динамо Букурешт кој славеше со 34-25. Македонскиот парираше само во првите дваесет минути од натпреварот, а потоа средбата помина во знакот на романскиот тим.

Повеќе...

Детали

Петок, Септември 27, 2024

Ракометарите на Еурофарм Пелистер загубија на третиот натпревар во Лигата на шампионите, овојпат на гостувањето во Романија кај Динамо Букурешт. Домашниот состав покажа дека е на друго ниво, го потврди статусот на фаворит и со 34-25 дојде до три од три во групата А во елитното натпреварување.

Повеќе...

Детали

Четврток, Септември 26, 2024

Ракометарите на Еурофарм Пелистер утре ги очекува третиот предизвик во Лигата на шампионите. Гостување во Букурешт на Динамо е на „менито“ на „пелистерци“, во обид да дојдат до првиот триумф.

Од таборот на македонскиот шампион, го респектираат противникот, и најавуваат дека ќе дадат максимум за добар резултат на крајот.

Бранислав Ангеловски
(тренер на РК Еурофарм Пелистер)

Ни следи исклучително важна недела. Повторно сме во Лигата на шампионите и гостуваме кај сериозен противник, романски претставник и клуб кој има буџет од 8,9 милиони евра. Таму има играчи кои настапуваа за Барселона и неслучајно Динамо Букурешт има две победи од два натпревари во групната фаза. Одиме со позитивна енергија, да дадеме максимум и нема да се штедиме. Ќе покажеме максимален труд и ќе се надмудруваме со нив.

Динамо Букурешт е државен проект и исклучително напредуваше со шпанската школа на тренери. Неслучајно се 8,9 години шампиони на Романија. Секоја година напредуваат и собраа бодови да играат директно во Лигата на шампионите. Ги имаат најдобрите романски играчи и добри и квалитетни странци.

Павле Атанасијевиќ
(РК Еурофарм Пелистер)

Ни следат два тешки натпревари. Се спремаме за Динамо Букурешт, напорно работиме и верувам дека ќе одиграме во рамките на нашите можности. Имаат многу интернационалци, играат модерен ракомет и ќе биде тешко да се игра против нив. Сепак, максимално и до секој детаљ се подготвуваме. Нашите навивачи насекаде нè бодрат, па така ќе биде и во Букурешт. Ќе се обидеме да ги израдуваме.

Овој натпревар е прво соочување на македонскиот првак со романски ривал во Лигата на шампионите во овој формат.

Детали

Сабота, Септември 21, 2024

Ракометарите на Еурофарм Пелистер ја впишаа третата сезонска победа во Суперлигата, рутински надигрувајќи го новајлијата во лигата Бисинов Фриут Ленд во Велес со 21-41 (9-20). Битолчани не видоа мака да дојдат до нови првенствени бодови, а свое шоу во салата „Гемиџии“ имаше капитенот Филип Кузмановски.

Повеќе...

Детали

Петок, Септември 20, 2024

Отворен е процесот за акредитирање на медиуми за натпреварот од Лигата на шампионите меѓу Еурофарм Пелистер и Спортинг (9 октомври 2024 година – 20:45 часот). Процесот за акредитирање важи за печатените медиуми според процедурата за акредитирање на натпреварите на Еурофарм Пелистер сезонава.

Повеќе...